剪髮記

誤打誤撞進了一家「上海巴黎髮型屋」,店內是一個老伯。

1

「剪髮?」

「係!」

「有冇的洗頭」?

「哈哈,當然有啦,點會冇的洗頭。想點剪?」

「兩邊短d,上邊...」

「哇,邊個幫你剪噶,好似鍋蓋咁,你睇下,實係d後生仔啦,係咪啊?」

「哦,hmm.. 好似係...」

「衣家d後生仔邊識剪頭髮啊,你自己睇下,兩邊鏟到青曬,上邊齊到阿媽都唔認得,咁點得啊...」

「...」

「你入到嚟,真係有眼光,我係呢邊做咗幾十年啦,之前我係尖沙咀做,最旺果陣有十幾個工人..... 剪髮要睇頭型噶,點可以亂來啊」

「係,係」

「你d頭髮又多又硬又周圍生,d人唔識剪邊會剪得好睇,你搵我無錯啦!」

「係,係」

「好多人搵我剪噶,d人專程由中環過來搵我剪,個個話我剪得好,嘩!重要抵到爛,個個都以為要幾百蚊」

「係,物美價廉!」

...

「OK啦,點嘛,睇下幾靚!」

「Hmmm.. 好似兩邊唔係好對稱 ... 」

「哦,呢邊仲要再執下..」

...

「得」

「好似右邊凸咗起身喔!」

「哦,你唔鐘意爆起,我明白」

...

「OK,睇下,嗯,幾靚!好靚啊!」

「係,係,唔該曬師傅!」

0 條評論

尚未有任何評論,歡迎在下方發表評論。

    發表評論